同文颂娴隔17年再谈情 欧锦棠睇片爆喊吓亲老婆

admin 6个月前 (04-14) 快讯 27 0

© 由 头条日报 提供文女强调虽然同阿棠好有默契,但相信阿棠最佳拍档首位一定是老婆万斯敏。

欧锦棠监制兼主演、以空手道做主题的ViuTV新剧《打天下》,本周开始播出,今次阿棠揾来02年《烈火雄心II》演情侣大受欢迎的最佳拍档文颂娴,再合演师兄妹。两人虽然相隔多年冇合作,但埋位默契依然,剧中两人感情唔再玩轻松搞笑,反而好刻骨铭心,阿棠仲自爆睇片时,一度爆喊吓亲身边老婆万斯敏。 采访:杜淑霞


© 由 头条日报 提供阿棠大赞43岁的文女,依然有点少女味,keep得好好。

阿棠和文女早在亚视年代已合作演情侣多次,而最后一次合作是05年TVB剧《惊艳一枪》,之后两人都鲜有联络,阿棠想起揾文女原来是睇ViuTV节目,「见到佢上周家蔚个节目,原来佢仲会做幕前,咪试吓揾佢啰!其实我哋真系好多年冇联络。」文女就话:「佢算系我最佳拍档嚟,所以只要佢就到时间畀我凑女就冇问题,同埋佢份人要求高,佢有份监制,制作一定认真啦!」


© 由 头条日报 提供文女话囡囡知道她当日要开工,反而好开心,「佢停课后日日对住我,佢都想放吓监呀!」

后期险受疫情影响


© 由 头条日报 提供阿棠就系睇番呢场戏,自己都忍唔住爆喊啰!

相隔多年冇合作,阿棠绝对冇后悔揾文女演出,「文女第一日开工,导演兼监制高林豹都话,你真系冇揾错人呀!」文女亦话:「真系好奇怪,虽然咁多年冇合作,但系一埋位默契就返嚟。」02年《烈火雄心II》阿棠和文女由师母和徒弟发展的感情,既轻松又搞笑,不过今次演师兄妹产生的爱情又是另一种味道,阿棠解释:「我哋呢段算系剧中最完整嘅一段感情线,系刻骨铭心𠮶种。」不过文女强调,「我哋唔会做埋啲好骨痹嘅嘢,好呕饭𠮶啲戏我做唔到㗎!」阿棠仲自爆做后期时,睇两人感情戏时吓亲老婆万斯敏,「𠮶日我老婆睇紧电视,我就坐喺侧边睇片,点知睇到我哋喺凉亭𠮶场戏,忍唔住喺度爆喊,𠮶吓老婆都畀我吓亲呀!」棠哥又话疫情影响了该剧在北京后期工作,好彩最终赶得切;而文女的7岁囡囡由于停学在家,她就忙于陪囡囡上堂及解闷。


© 由 头条日报 提供阿棠最开心邀请到一班空手道高手参与演出,包括殿堂级的仓田保昭。
© 由 头条日报 提供万斯敏负责该剧选角工作外,还饰演谈善言妈咪。
平心在线声明:该文看法仅代表作者自己,与本平台无关。转载请注明:同文颂娴隔17年再谈情 欧锦棠睇片爆喊吓亲老婆

网友评论

  • (*)

最新评论

站点信息

  • 文章总数:710
  • 页面总数:0
  • 分类总数:8
  • 标签总数:1442
  • 评论总数:193
  • 浏览总数:8123